أحمد حلمي يصدم من زكي ويفاجئ الجمهور بخفايا وأسرار أول قصة حب في حياته
تحدث الفنان أحمد حلمي عن تفاصيل حول حياته الشخصية وعلاقته بزوجته منى زكي، كما كشف عن تفاصيل أحدث أعماله الفنية.
وقال أحمد حلمي خلال حواره مع الإعلامي عمرو أديب في برنامج بودكاست "بيج تايم" على قناة MBC مصر، أن أول حب في حياته كانت خالة صديقه، وهو في عمر السبع سنوات.
وأضاف قائلا: "كنت صغير وقتها وهي كانت سيدة جميلة جداً وأمورة، أما الحب اللي بجد كنت بيحصل في مرحلة الإعدادي، وأنا وقتها كنت عايش في بنها وهي مدينة صغيرة والكل عارف بعضه".
وتابع أحمد حلمي: "كانت قصة الحب دائما تنتهي بسرعة، بتحصل في إجازة الصيف لما أرجع من السعودية وتنتهي لما أسافر تاني، وأول قصة حب حقيقة ليا قبل منى زكي كانت بنت من بنها كانت جارتي، وعلاقتنا كانت عن بعد تليفونات لأن بلدنا صغيرة فكان صعب أخرج معاها في مكان عام".
علاقة أحمد حلمي ومنى زكي
وعن هدية زوجته الفنانة منى زكي المفضلة في عيد الحب، قال: "بقالنا سنتين أو 3 سنين مجبناش هدايا، لأن بقى فيه طول السنة ممكن أشوف حاجة عجباني وهي تجيبها مش مستنيين مناسبة خرجنا برا نطاق الهدايا، لكن في الفالنتين لازم أجيب ورد أحمر ومعاه هدية، الورد بيسعدها ومعاه بيكون في هدية".
كما كشف أحمد حلمي خلال حواره مع عمرو أديب عن تفاصيل حول أبرز الخلافات التي بينه وبين زوجته الفنانة منى زكي.
فأكد أحمد حلمي أن شكل الشجار مع زوجته في الوقت الحالي تغير كثيراً، فقال: "بقيت أخلص الخناقات على طول والأول كانت الخناقة بتقعد كتير وتوصل لـ4 أيام والجو يبقى متنشن وبعدين نتصالح في اليوم الخامس".
وأضاف موضحاً: "بعد خناقتنا أنا ومنى زكي بيبقى الأكل موجود ونقعد ونتفرج على التليفزيون واحنا مټخانقين والخناقة في إننا مش بناخد وندي في المكان".
واستكمل أحمد حلمي قائلا: "ويعني نفترض بعد الخناقة لقيت منى قاعدة أقولها أنتِ بتتفرجي على حاجة تقول لأ، فأقولها طيب تحبي تتفرجي على حاجة ترد اللي أنت عايزة، هما ينقطوا بس أنا كمان بنقط، وفي نص الفيلم ألاقيها قامت تنام من غير ما تقول تصبح على خير".
