سوء الظن
قاعد فى الشغل ومندمج فى الشغل وفجأه جت رساله لى على التليفون مضمونها
لو سمحت انا عم عماد جارك اللى فى الشقه اللى جنبكم وباستأذنك توطوا صوتكم شويه انت والمدام صوت ضحكم عالى وعيب كده انا عندى بنات
اتفاجئت دا ايه الكلام ده دا انا فى مأمورية فى محافظه تانيه فى الشغل و ريم مراتى اتفقت معايا انها هتروح تقعد مع والدتها الكام يوم اللى هكون فيهم فى المأموريه
بس لقيت الرقم فعلا على التروكلر باسم جاري
وبعدها بشويه وصلت لى رساله تانى يا استاذ حسام مش كده ايه قلة الزوق دى
جن چنوني وسبت كل اللى فى ايدى وقومت جري راجع لشقتى وانا بالطريق اتصلت على ريم مراتي
ريم ايوه ياحسام خير
لا ابدا مافيش بتطمن عليكى انتى فين كده
لا ابدا بسأل عادى لو والدتك جنبك ادينى اسلم عليها بدل ما تزعل
ريم لا للاسف هى فى حمام بتاخد شاور مش هينفع تكلمها دلوقتى واخويا نزل من بدري وبابا فى الشعل وانا قاعده لوحدي المهم انت كويس
اه اه الحمدلله
ريم راجع امتى
يعنى يومين كده
مابقتش عارف اعمل ايه طب اتصل على الرقم بتاع جاري ده اللى كلمنى منه وافهم منه
وصلت عند الشقه وطلعت المفتاح وفتحت الباب بهدوء ودخلت متسحب وفى ترقب ولكن لم أجد احد بالشقه اتجهت لغرفة النوم
فى ترقب وفتحت الباب ولكن لم أجد احد ايضا بحثت فى الشقه بالكامل لا يوجد أحد
استغربت امال ايه حكاية الرساله دى ما انا لازم افهم
نظر عم عماد فى التليفون وقال ما بردو انت اللى غلطان فى حد يهزر ويضحك بالاستهتار ده ومافيش اى مراعيه للجار
وبناته ازاى بناتى يسمعوا الكلام الفارغ ده عيب يا استاذ عيب
قولت له انت مچنون ياعم انت الشقه فاضيه ومفهاش حد لا
عمادلا يااستاذ وقت ما بعت ليك الرساله كنتم فى الشقه وصوتكم ودلعكم ملعلع
وخرجت زوجته لما صوتى علي وقالت ايوه يا استاذ حسام صوتكم كان عالي اوى وعيب كده بصراحه
قولتلهم انتم هتجننونى بقولكم مافيش حد فى الشقه انا كنت فى شغل وجيت لما حضرتك بعت الرساله وزوجتى عند والدتها
عماد وهو بيقفل الباب احنا عارفين بقى جيه منين هو فى جيران لينا غيركم شوف انت بقى الصوت جه منين بعد اذنك وقفل الباب
كلمت نفسي وقولت ايه اللى شوف انت بقى دي يقصد ايه الراجل المخبول ده
اتجهت وانا فى اشد چنوني لزوجتي عند والدتها ورنيت
جرس الباب فتحت زوجتى ريم
ريم حسام ايه ده انت جيت امتى انا مش لسه قافله معاك من كام ساعه وقولت لى انك لسه أمامك كام يوم ايه اللى حصل
رديت وقولت لا ابدا حسيت انك وحشتينى قومت سبت الشغل وجيت فيها حاجه دى
والدتها كانت قاعده لا ياحبيبي مافهاش تعالى ادخل وانت اخبارك ايه اقعد مالك وشك متغير ومتضايق كده ليه فى حاجه حصلت فى الشغل ولا ايه
رديت لا مافيش حاجه حصلت فى الشغل انا كويس
والدتها ادخلى ياريم حضري لجوزك غدا اكيد جعان ما راجع من سفر
ريم باستغراب وعدم ارتياح لشكل حسام حاضر ياماما دخلت ريم للمطبخ
نظرت لحماتي وقولت كنت كلمت ريم من كام ساعه وقولت ليها ادينى حماتى اسلم عليها بس قالت هى مش معايا دلوقتى
حماتى اه ما هى قالت لى اصل كنت باخد شاور
رديت اه انا افتكرت انها كانت نزلت ورجعت الشقه ولا حاجه
حماتى لا منزلتش النهارده
استغربت امال مين اللى كان فى الشقه ولا حماتى بتدراى عليا وماردتش تقول لى ان ريم نزلت عشان ريم ما قلتش لى
انا هتجنن مين
اللى كان فى الشقه تكونش الشقه مسكونه
ورجعت قولت لنفسي ايه التخاريف اللى بقولها دى
طب يكونش الجيران دول مجانين وبيخرفوا
بس معقوله الراجل ومراته بيخرفوا مع بعض
ياربي انا هتجنن
المهم بعد ما اتغديت ريم قالت لى انا جاهزه يالا على شقتنا
والدتها مستعجلين
على ايه ما انتوا قاعدين حتى استنوا لما ابوكى يرجع وحسام يسلم عليه
ريم معلش ياماما حسام راجع من سفر زي ما انتى عارفه وعاوز يستريح
والدتها ماشي ياحبيبتى براحتكم
وفعلا قومنا رجعنا على شقتنا وريم طول الطريق تكلم فيا وانا فى دنيا تانيه خالص ومش معاها
وعدى كام يوم وانا الامر ده هيجنني لدرجة انى شكيت فى ريم
وقررت اتأكد فبعد كام يوم قولت ليها معلش ياريم ياحبيبتى انتى عارفه انى رجعت من غير ما أكمل المأموريه اعمل ايه كنتى وحشتينى فا انا هرجع اسافر يومين او ثلاثه اكمل المأموريه وراجع علطول
ريم ماشي ياحبيبي روح شوف شغلك بس انا زي ما انت عارف مابحبش اقعد فى الشقه لوحدى فهروح اقعد برضو عند ماما لحد ماترجع
وطبعا انا لا كنت مسافر ولا حاجه انا كنت هنزل كأنى مسافر وهراقب الشقه من بعيد وفعلا نزلت تانى يوم الصبح على انى مسافر واتجهت لمكان اقدر اشوف فيه الشقه من بعيد وفى نفس الوقت متدارى
وفضلت قاعد منظر اي شيء غريب لكن اتفاجئت ان ريم نازله فعلا زي ما قالت بس قولت لنفسي افضل قاعد يمكن رايحه مشوار وراجعه تانى
وفضلت ملطوع فى الشارع اكثر من أربع ساعات لحد ما صعقټ من اللى شوفته
لقيت اخو ريم ساحب بنت فى ايده وداخلين العماره وطالعين على فوق انتظرت شويه صغيره ورجعت طلعت وراهم ولما قربت شويه
سمعت
فعلا صوت
ضحك وصهلله فتحت الباب فجأه عليهم لقيت الاستاذ اخوها عامل الشقه ولا العوامه فارش الاكل والشرب واول ماشافني قام اتنفض
اخوها انكل حسام ي انهار اسود وهى اول ما شافتني وشافت اخو ريم مړعوپ منى اخدت
نفسها وجريت على تحت
اخو ريم معلش يا انكل اخر مره انت عارف بقى شقاوة المراهقين
ارجوك ماتقولش لحد من اهلى ارجوك لحسن بابا يموتنى
جلست مكان وانا فى سخريه من نفسي وضحكت ضحكة چنونيه
لدرجة ان اخو ريم بقى واقف مش فاهم هو انا مالى
قولت ليه الله يسامحك ياشيخ دا انت جننتني وكنت هتخرب بيت اختك
اخو ريم انا مش فاهم حاجه
رديت احسن برضو ورجعت كشرت فى وجهه وكلمته پغضب انت عارف لو حصل ده تانى مش هيحصل طيب وانا اللى هأدبك بايدى انت فتحت الشقه ازاى
اخو ريم بالمفتاح اصل بصراحه كده عملت نسخه من مفتاح اختى من غير ماتعرف وادى النسخه اهى اول واخر مره والله وجري من امامى
وانا جلست اضرب كف على كف واضحك من اللى حصل .تمت
