رواية أحببته ( الفصل الاول )

مع إني عمري ما فكرت ف كده حاولنا نقنعها كتيير بس عقلها مكنتش راضي يستقبل مننا أي كلام وكأنها بتدور ع سبب تفركش بيه الخطوبة ! بدأت تزيد المشاكل من جهة عمتي لحد ما ف يوم عمتي نهت كل حاجه ! بعد شهر بس كل أحلامي إتحولت لحزن أحلامي انتهت وقلبي اتخذل ... يوسف مقدرش يقف قدام أهله وقتها وكل حاجه بينا إنتهت إلا حبي ليه ! نفسيتي لتاني مره انتهت بس المره دي يوسف مكنش موجود علشان يهون عليا
كأن الحياة عايزه تديني درس إنها مش وردية علشان أول ما أفتح عيني عليها أفتحها عالحب عشت أيام من الحزن...
يوسف مكنش بيفارق خيالي فضل حبه ف قلبي يكبر ... مكنش سهل أبدا إني أعيش حياتي بشكل طبيعي وأقول بكره ييجي غيره ! أول دقة قلب طلعت مني طلعت بإسم يوسف
فإزاي هقدر أكمل حياتي من بعده بسهولة وللمرة التانية الناس إلي المفروض تكون الخط الأول ف دعمي كانوا الخط الأول ف انهاء أحلامي بس المره دي مكنش بابا المره دي كانت عمتي ! ... عدي سنتين وأنا لسه مش قادره أتعافي لحد ما جه اليوم إلي حسيت فيه إن لسه ف أمل إن قلبي يرجع ينبض تاني ... يوسف كلمني !
حور أنا بحبك ولسه عايزك 
وأنا كمان لسه بحبك يا يوسف بس عيلتك مش موافقة عليا 
هقنعهم صدقيني بس إديني فرصة ! 
إتنهدتمحتاج وقت أد إيه يا يوسف
محتاج 4 سنين
4 سنين ! يوسف أنت بتهزر ! 6 سنين بحبك ولسه بتطلب أربع سنين من عمري كمان ! 
حاولت معاهم يا حور صدقيني ومحدش موافق ! أديني فرصة بس وأنا هقنعهم صدقيني !
ايوه وبعدين
إديني فرصة وأنا هحاول 
وأنا موافقة أديلك الفرصة يا يوسف 
عدي فترة وعرفت منه إنه كلم أهله تاني ومامته إلي هي المفروض عمتي رفضت وقالت إنها مش عايزاني ! كان
صعب أوي عليا ف أقرب الناس ليا ... نفسيتي كل مره بتسوء عن المره إلي قبلها لحد ما قررت أختار نفسي ودراستي وأركز فيهم
قررت أقفل صفحة يوسف من حياتي وموقفش كتاب حياتي عند صفحة فاشلة ركزت ف دراستي وإجتهدت وقولت لازم أسكت أي حد شمت فيا لما دخلت ثانوي تجاري وأعرفهم إن مش بس الثانوية العامة هي إلي بتخلي الإنسان ناجح أو ليه مكانة وسط الناس عملت إلي عليا الحمدلله وذاكرت وف فترة الإمتحانات قالولي إن جايلي عريس !
يا ماما أنا مش موافقة ! أنا لسه طالعه من تجربة فاشله إستهلكت فيها مشاعري وطاقتي ومعنديش
إستعداد أخوض تجربة تانية !
يا حور مش لازم علشان فشلنا ف تجربة نخاف نجرب تاني ! الدنيا تجارب ولسه ياما هتشوفي لو من أول تجربة إستسلمتي ووقفتي حياتك مش هتعرفي تعيشي !
عيطت وأنا أصلا مش عايشة يا ماما مش عايشة ! لو سمحتي سبيني أركز ف دراستي وف إمتحاناتي 
خلاص يا حور مش هضغط عليك دلوقتي هخلي أبوك يقوله يستني لبعد ما تخلصي إمتحانات وييجي يتقدم رسمي وأنت بعدها قرري 
إتنهدت ماشي يا ماما 
بابا كلم العريس إلي عرفت بعد كده إن إسمه حازم وطلب
منه يستني لبعد ما أخلص إمتحاناتي وبالفعل وافق شيلت الموضوع من دماغي خالص وبدأت أركز ف إمتحاناتي والحمدلله خلصتها وعدت ع خير !
ها يا حور فكرتي ف الموضوع
موضوع إيه يا ماما
لحقتي تنسي ! موضوع العريس 
لسه برضه مصممين ع الموضوع دا
يا حبيبتي أنت ويوسف ملكوش نصيب مع بعض ولازم تشوفي حياتك وتفتحي قلبك للدنيا تاني الدنيا مبتقفش ع حد يا حور ! وبعدين مش حابة تشوفي نفسك عروسة ولابسة فستان ! إقعدي معاه يا حور وجربي يا بنتي وإعرفيه كويس الخطوبة معمولة علشان التعارف علشان تتعرفي ع إلي هتتخطبيله وهو يتعرف عليك ولو محصلش قبول وتوافق بينكم بيبقي ف فرصة إنكم تسيبوا بعض
تجربة تاني يا ماما أجرب وأتعلق وأرجع أنا إلي أتوجع وأتعذب صح ! المشكله إني لما
بټجرح وبتخذل محدش بيحس دا معايا بس ماشي يا ماما أنا موافقة أقعد معاه وربنا يقدم إلي فيه الخير 
إبتسمتإن شاء الله خير يا حبيبتي 
بابا حدد ميعاد مع حازم ييجي يشوفني مكنتش متحمسة
للموضوع ولا متوترة ولا أي