أنانية زوج

بسبب مصاريف العلاج الكتيرة وبعد فترة أبوها ماټ الأب كان حريص جدا لدرجة إن محدش كان عارف عنده كام بالظبط لا عياله ولا مراته يعرفوا حاجة عن ثروته وبعد مۏته عرفوا إن عنده املاك كتير ميعرفوش عنها حاجة خالص !
عملوا الاجراءات القانونية وحصر التركة وبدأوا تقسيم الميراث وأخواتها عشان عارفين ظروفها أدولها نصيبها الشرعي بزيادة شوية واخوها قالها خدي حاجة ثابتة تنفعك وتنفع عيالك بدل ما تاخدي نصيبك كله فلوس 

خدت بيت كبير في شارع فيه محلات تجارية وبعد ما أتنقلت ملكيته لها ربنا عوضها عن سنين الشقا وتمن الأرض هناك زاد زيادة كبيرة وسعر البيت أتضرب في مرتين تلاتة !
لما ماټ أبوها مفيش حد من أهل طليقها جه يعزيها ولا يسأل فيها ولا في عيالها من حوالي شهر راحت شغلها في الكوافير لقيت ابن أخو جوزها جاي بيسأل عليها وطلب من صاحبة المكان رقم تليفونها الست رفضت تديهوله إلا إذا عرفت هو مين وعايزين رقم المساعدة بتاعتها ليه المهم إن حماتها السابقة شرفت عندها في البيت فجأة وهي اللي مورتهاش وشها من يوم ما خدت العيال متبهدلين من قلب بيتها عيطت وأتشحتفت وقالت لها إن فلان ھيموت على عياله ونفسه يشوفهم بس كان مسافر يا حبة عين أمه في شغل وإنهم معرفوش پوفاة أبوها عشان كانوا جم عملوا الواجب ونفسهم القلوب تصفي والمياه ترجع لمجاريها !
طبعا هي مكانتش مصدقة البجاحة اللي هما فيها دي وردت على جدة العيال وفكرتها باللي عملوه فيها وبأن ابنها سابها في مرضها وهمها وتخلي حتى عن ولاده ومبعتش لهم مليم !
الست فضلت تبرر وتتشحتف وتعمل فيها غلبانة ومظلومة هي مدتهاش وش ومشتها زعلانة وبعد كام يوم جه هو بنفسه !
أبو العيال الحلو إن الولد الصغير شاف أبوه وهو داخل البيت معرفهوش ولا الراجل عرف ابنه وسط العيال اللي في الشارع 
لما لقته جاي عندها بعتت لأخوها يجي وأتكلم هو معاه لإنها مش حابة تكلمه ولا تشوف وشه تاني .
الخلاصة البيه عايز يرجعها وطبعا عرفت كمان إنه أتجوز في فترة طلاقهم بس مخلفش من التانية وبيقول إنه هيعدل إلخ إلخ 
أخوها قالها مترجعيش ده طمعان في الحاجة اللي ورثتيه وهي كمان ده رأيها بس في ناس بيقولولها حرام عليكي تحرمي العيال من أبوهم وأرجعيله عشان خاطرهم ولو العيال كبروا من غير أب هتكوني أنتي السبب وأيه يعني أتخلي عنك في مرضك .. أصل الرجالة كلهم كده 
رأيي أنا الشخصي بقي مترجعيش ويتحرق أبو الناس كلهم أخوكي صح وأنتي كمان صح من لا يكون سند لي في وقت ضعفي لا حاجة لي به في زمن عافيتي 
ملحوظة العبارة دي مش بتاعتي ومش فاكرة قريتها
فين قبل كده .