فتاة انحنت من اجل الحب الجزء السادس بقلمى دودو محمد
احسن زعلانه ليه مع أن اى واحده مكانك المفروض تفرح
ساره انا اتولد فى الحاره دى اتعلقت بناسها وبعشق كل تفاصيلها بحب الحياه البسيطه مش بحب جو الفيلاه والحاجات دى تحس ان ناسها مزيفه مشاعرها منافقه إنما بتوع الحاره دول قلبهم ابيض وصافى ميعرفوش المنافقه ناس على نيتهم بيفرحوا لفرحك بيزعلوا لزعلك
احمد كل حته فيها الكويس والۏحش وبكره تتعودى على المكان اللى هتعيشى فيه
ساره بيتهيألك بس شئ ولابد منه على الأقل امير يتخلص من ذكريات زهره اللى موجوده هنا فى كل مكان
احمد الذكريات مش بالمكان الذكريات بتبقى محفوره فى العقل والقلب التفكير بيبقى مشغول بيها اربعه وعشرين ساعه ربنا يصلح حاله
ساره يارب المهم اختك عامله ايه
أحمد فى رحله والله قاطعه بيا وحاسس أن الفيلا ملهاش طعم وهى مش فيها بتعمل حس للمكان بخفة ډمها دى
ساره ربنا يرجعها بالسلامه
أحمد يارب
ساره انا هقفل بقى علشان انام
احمد ماشى يا قلبى تصبحى على خير
ساره بكسوف وانت من أهله ولسه هتقفل
احمد ساره
ساره نعم
احمد بحبك
ساره باى وقفلت التليفون وحضنته وقالت وانا بعشقك وغمضت عينيها ونامت سعيده
فى اوضت امير
كان نايم امير على سريره وباصص على السقف ومش بيتكلم
سهى امير
امير نعم
سهى ممكن أسألك سؤال
امير اممم اسألى
سهى انت زعلان منى
امير لاء ليه
سهى على طول قاعد ساكت ومش بتتكلم معايا زى الاول
امير عادى يا سهى بس هنتكلم فى ايه مافيش حاجه نتكلم فيها
سهى مش عارفه بس حاسه انك بتتهرب منى ومش عايز تكلمنى من ساعة جواز زه
امير قطعها وقال متكمليش يا سهى وزى ما قولتلك مافيش حاجه نتكلم فيها علشان كده ببقى ساكت
سهى طيب ريان مكلمكش
امير لاء بكره ابقى اتصل بى
سهى هو انا ممكن أنزله اسكندريه واروح أكلمه بنفسى
امير قام قعد وقال بعصبيه تروحى فينا حد قالك أن انا مركبهم ما تلمى نفسك كده واهدى
سهى خاڤت وقالت مش قصدى والله انا عايزه اعمل بأى طريقه علشان اخليك تخلص من همى وقرفى
امير الموضوع ده ملكيش دخل فيه لو حاولتى تدخلى فيه متلميش غير نفسك فاهمه نامى بقى وسابها ونام واداها ضهره
سهى بصت عليه بدموع ونامت على السرير واتغطت وقعدت ټعيط
فى فيلا لميس
كانت قاعده فى اوضتها وبتعيط ورافضه الاكل والشرب بابها خبط قالت
لميس بزعيق انا قولت مش عايزه اكلم حد محدش ليه دعوه بيا سبونى فى حاااااالى بقى
الباب اتفتح ودخلت جدتها وقالت
الجده حتى انا
لميس قامت جريت واترمت فى حضنها وقعدت ټعيط
الجده طبطبت عليها وقالت شششش أهدى يا حبيبتى
لميس بدموع بابا عايز يبعدنى عن شريف يا تيته
الجده مش هيبعدك ولا حاجه هو متعصب شويه ويهدا وانا هكلمه
لميس بس هو طرد شريف من الشركه ومنعنى من الخروج ورفض طلب شريف أن يتجوزنى انا لو متجوزتش شريف ھموت نفسى شريف ده عمرى كله وانتى يا تيته عارفه كده مش افضل احلم بى العمر كله ويوم ما يبقى قريب منى ويحبينى زى ما بحبه يجى بابا ويبعده عنى انا ما صدقت أن هو حس بيا
الجده عارفه يا حبيبت تيته وعايزه الصراحه الواد مز ويتاكل اكل لو كان كبير شويه كنت اتجوزته انا وطنشتك
لميس لا فى كده انا اخسرك يا مزه
الجده يوم المستشفى حسيت أن هو راجل بجد وشوفت خوفه عليكى ولهفته بس ابوكى اتعصب لما سمع ناس بتتكلم عليكم فى الشركه انتى لحمه ودمه انتى بنته عرضه لازم يزعل منك هو خاېف عليكى مش اكتر يهدا شويه وكل حاجه هتتحل إن شاءالله
لميس بجد يا تيته
الجده بجد يا روح تيته
لميس حضنت جدتها اوى وقالت بمووووووووت فيكى وربنا
الجده طيب يلا بقى علشان خاطر تيته تنزلى تاكلى
لميس بفرحه هوا ونزلت تجرى
الجده ربنا يسعدك ويفرح قلبك يا نور عيوني ونزلت وراها
الفصل الرابع وعشرون
اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها قامت من على الكنبه بصت على عاطف لاقته لسه نايم اخدت هدوم ليها ودخلت الحمام اخدت شاور واتوضت ولبست هدومها وخرجت من الحمام وقفت قدام المرايا تسرح شعرها فى الوقت ده صحى عاطف وبص على زهره وهى بتسرح شعرها وسرح فيها
زهراء شافت عاطف صاحى فى المرايا بصت ليه وقالت انت صحيت
عاطف بلع ريقه وقال بتوتر ا ا اه لسه صاحى صباح الخير
زهراء صباح النور قوم خد شاور على ما اروح اصحى الاولاد
عاطف م م ماشى وقام من على السرير وبص بصه طويله لزهراء ودخل الحمام وقفل الباب واتنهد وغمض عينه وقال ايه مالك
يا عاطف ضعفة ولا ايه اجمد كده وخليك عند وعدك
زهراء بصت على باب الحمام بأستغراب وقالت ده ماله ده وهزت كتفها وأدت فرضها وخرجت من الاوضه راحت صحت الاولاد ونزلت طلبت من الخدم يحضروا الفطار وقعدت تستنى نزول عاطف وبعد وقت نزل عاطف ونزلوا الاولاد وقعدو يفطرو
رائف ماما عايز اشرب
عاطف وزهره اتصدموا لما سمعوا كده
عاطف ماما
رائف اه ماما مش انت اتجوزتها يا بابا وهتعيش معانا على طول يبقى هى ماما وبعدين انا بحبها اوى وهى طيبه أوى أوى يا بابا
بيلار وانا كمان هقولها ماما انا بحبك اوى يا ماما
زهراء دموعها نزلت منها وقالت وانا بمۏت فيكم يا حبايب ماما وبصت لعاطف وقالت الكلمه دى تزعلك لو قالوها ليا
عاطف لاء يا زهره مش زعلان بس ياريت تقدرى حب الاطفال دى وان هما اعتبروكى امهم ومتوجعهمش وتبعدى عنهم
زهراء ليه بتقول كده يا عاطف انا فعلا بحبهم اوى ومقدره معنى أن هما قالو ليا الكلمه دى ومقدرش ابعد عنهم
عاطف انا بنبهك بس علشان انا ممكن اسامح فى اى حاجه الا حد يكسر قلب اولادى
زهراء بصت ليه بتوتر وبعدين بصت للاولاد وضحكة ليهم بتوتر وقالت يلا كلو ورجعت بصت تانى لعاطف لاقته بيقراه فى الجريده قالت وانت مش هتاكل
عاطف لاء هشرب القهوه وهمشى
زهراء م م ماشى وقعدت تاكل وتبص لعاطف لاول مره تخاف من ټهديد عاطف ليها وحست فى نبرة صوته الشده والحزم
عاطف شرب قهوته وطبق الجريده وقام وقف وقال انا ماشى
بيلار بابا بليز متتأخرش النهارده فى الشغل عايزين نسهر كلنا مع بعض زى ايام ماما التانيه
رائف ياريت يابابا
عاطف بص لزهره وبعدين بص للاولاد وقال ماشى وباس الاتنين ومشى
زهراء بصت على عاطف وهو ماشى واتنهدت بالراحه وغمضت عينيها وقالت لنفسها يا ترى الايام مخبيه ليكى ايه يا زهره
بيلار ماما انتى بتكلمى نفسك
زهراء ها ل ل لا يا حبيبتى كملى اكلك يلا
واكلوا كلهم واخدتهم زهره وطلعت بيهم الاوضه بتاعتهم
فى القاهره
فى شقة امير
صحى امير من نومه وملاقاش سهى نايمه
