قصه حقيقيه
عدى سنه كلها تعبد وعيشه هاديه وزوجى سبحان الله كان عليه هدوء ورضا بقضاء الله ربنا يسعده دنيا واخره ويراضيه.
المهم بقا عدت السنه دى وكنت قاعده مع حماتي بمشط لحماتي شعرها وقاعدين نهزر وبقولها ياماما انا حلمت انى شايله ٣ قراميط سمك بس شكلهم حلو اوى اوى مش زي اللى بنشوفهم وعمالين نتخانق عليهم انا وانتى ومحمد وفالاخر هربو من ايدي ودخلو ف بطنى وفضلو يلفو ف بطنى كده وانا اضحك متقومى يا ماما تشتريلنا يمكن نفسى فيه اصلى ببطن شويه بحب الاكل
لاقيتها قامت لبست ونزلت جابت سمك عادي وجابت اختبار حمل بقولها ايه دا بتقولى جربيه. فضلت اضحك وركنته بتاع اسبوع كده ولاقيت نفسي عاوزه اجرب من باب الامل والفضول وفجأ لاقيت ف الاختبار انى حامل!!!
كنت بعيط عياط وضحك مع بعض ومش عارفه اتكلم وفين وفين لما هديت وجوزي واخدي ف حضنه ويقولى شوفتي عوض ربنا؟ يلا البسى نروح نكشف كنت خارجه معاه وخاېفه خاېفه اكون بحلم ! الدكتوره هناك قالت في حمل ف شهرين ونص وفي ٣ اكياس يعنى حامل ف ٣
ويقول للدكتوره مضيها معلش هى اللى هتربي لوحدها والدكتوره تضحك وتقوله لا واضح انك هتربيهم وتربيها معاهم
وبحمد لله ربنا كرمني بيهم (يوسف ، ياسين ،ياسمين)
عندهم ٤ سنين دلوقتي
استنوا بس نسيت اقولكم انا حامل تاني
"عوض ربنا يفوق كل تخيلاتك، عوض ربنا إذا اتاك انساك كل ما فقدت."
ربنا يرزق كل مشتاق بالذرية الصالحة يارب ♥️
ويعوض الجميع بعوضه الجميل ♥️
