بعد ما اتخرجت الاولى على كلية طِب بشړي ، اتجوزت دكتوري ف الجامعة اللي كان اكبر مني بمراحل، اشهر دكتور نسا وولاده، بقيت الدكتورة مرات الدكتور. و من اول يوم جواز بيتكلم عن ابنه اللي هنخلفه وهيبقى دكتور عظيم، لكن ربنا رزقنا ببنت.
زعل جدًا وقتها، واستعجل الحمل التاني اللي برضوا طلع بنت، ف زعل اكتر و فات سنتين وبدأ يطلب مني احمل تالت، ورغم انه عارف ان خلفة البنات بترجع للراجل الا انه اصر وخلفت تالت ورابع بنت ..
بقى عندي اربع بنات في ٦ سنين ،، حصلي نقص ف المناعه، تعبت جدًا خصوصًا ان جسمي ضعيف وعندي انيميا، وبدأت صحتي تنزل جدًا، وبرضوا عاوزني احمل .. بعد مشاكل والحاح منه وافقت احمل بعد اتفاق انها المرة الاخيرة .. ويشاء ربنا الحمل يطلع توأم ولدين .. ف الشهر الخامس اكتشفت اني عندي ورم خبيث قرب الرحم ولازم اعمل عمليه، لو عملتها هسقط الطفلين ولو معملتهاش ممكن بنسبة كبيرة اوي اموت ف الولاده.#قصص
المفاجأة، الدكتور المحترم قرر يضحي بيا في سبيل انه يخلف ولد. وطلب مني اكتم ع الموضوع وحاول يقنعني انه مش هيحصلي حاجة، كنت فاهمه وعارفه اني ھموت لو كملت للتاسع، فكرت ف بناتي و في التوأم نفسهم لو انا مت، فقررت احكي لوالدي اللي وقف لجوزي بكل ما اوتي من قوة.
البيه الدكتور استعمل نفوذه.. اقنعني انه هيعملي عمليه اجهاض عشان نعمل استئصال للورم، واخدني عنده مكان شغله القصر الفرنسي اللي ف القاهره بدون علم اهلي، وهناك حجزني ل٢٠ يوم في رعاية واهتمام مخدرني بكلامه عقليًا و شبه جسديًا لحد ما كنت ف اخر السابع، وكل ده والورم بيزيد وحالتي الصحية بتنزل.
لحد ما اكتشفت ان كل دي محاولات منه يكسب وقت ويكتمل الجنين في بطني و اني اتمم الحمل، بعدها طلبت من ممرضة توصل رسالة لرقم تليفون بابا واخويا، اللي مكدبوش خبر وجابوا نص عيلتي والجيران وهجموا ع القصر الفرنسي واخدوني بالقوة، وقتها طلبت منهم يودوني عيادة دكتورة زميلتي شاطرة، اللي اكتشفت ان جنين من الاتنين فعليا ماټ واني ف حالة متأخرة جدًا، ف عملتلي الاجهاض وحولتني ف الاسعاف ع دكتور استئصلي الورم.
البيه المحترم اللي كان عاوز يضحي بمراته مفكرش حتى يزورني، او يطمن عليا، بل سعى لفصلي من نقابة الاطباء، و بدأ يشوه ف سمعتي لولا ان اخويا عمله محضر سب وقڈف وتشهير وهدده قاله معنديش مانع لو جبت سيرة اختي اني اضربك پالنار واسلم نفسي للشرطة. و دلوقت خلعته وارتحت من شره ف رمالي البنات وقاللي اعتبريهم مش بناتي.
- قبل ما تتجوزي راجل متدوريش ع دكتور، مهندس، عالم، غني، مثقف ... دوري ع انسان مُحترم ، واعي، سَوي نفسيًا، ميغركمش المظهر ولا المنصب ولا التعليم ولا الشهادة ولا الفلوس، اهتموا بس انه يكون انسان عاقل ورحيم ف قلبه رحمه وعارف ربنا ولو اهلكم ناس تعرف ربنا متتخلوش عنهم، خلوهم في صفكم، هما اللي دمهم هيحن ليكم وقت الخطړ.
#قصص_سعادحسني
