قبل تنفيذ الحكم بدقائق بقلم عادل عبدالله

هو انا بس كنت عاوزة اعرف وافهم كل حاجة قبل ما افكر اواجهه .
حاولت انام لكن كان التفكير بېقتلني معرفتش انام لحد الصبح وقومت زي كل يوم وصحيته وفطرنا مع بعض ونزلت اروح شغلي .
ركبت العربية ومشيت وبدأت اشغل المكالمات واسمعها .
بعد اقل من نص دقيقة لما ركزت في الصوت دوست علي فرامل العربية باقصي قوة وانا مش مصدقة وداني وكانت المصېبة ...
يا نهار
اسود يا نهار اسود ....
حاولت اركز في الصوت تاني علشان اتأكد من الصوت .
ممكن !!! انا اكيد بحلم !!!
وفضلت اقرص في جسمي بأيدي علشان اتأكد اني مش بحلم . طلعت ازازة ميه كانت معايا في العربية ورشيت ميه علي وشي يمكن افوق من الحلم ده .

لكن للاسف اتأكدت انه حقيقة مش حلم .
من الصدمة رميت الموبايل والسماعة في العربية ونزلت وقفلت العربية و مشيت في الشارع وانا دموعي مغرقة وشي .
كنت حاسة ان في ناس بتبصلي وانا ماشية ببكي في الشارع وناس

بتسألني مالك وناس عايزة تساعدني لكن انا مش شايفة اي حد ولا سامعة اي حاجة .
مش شايفة قدامي! مش بفكر الا في ازاي انا كنت مغفلة للدرجة دي !!!! 
للدرجة دي انا انخدعت في الناس دي و مقدرتش افهمهم علي حقيقتهم !!!! 
ده انا ضيعت حياتي و فلوسي ومجهودي حتي بناتي ضاعوا مني !!!
وبعد ساعات كتير معرفش قد ايه كانت الشمس غابت وبدأ الليل يدخل كنت حسيت بتعب رجليا و لقيت نفسي في مكان غريب .
انا حتي مش عارفة انا فين ولا سيبت العربية فين 
اخدت تاكسي وقولتله عنوان البيت وانا في الطريق افتكرت المكان اللي سبت فيه العربية روحت مكان العربية نزلت من التاكسي وركبت عربيتي وبصيت في التليفون لقيت مكالمات فائتة كتير .
رواية
قبل الاعډام بدقائق
للكاتب عادل عبد الله
الحلقة الرابعة
وصلت البيت وقعدت وقررت اني اواجه علاء اول لما يرجع .
لكن بردو بمجرد ما دخل البيت كل ما احاول اتكلم كان لساني بحس انه عاجز ومش قادرة اتكلم ولا عارفة هقوله ايه
علاء اول لما شافي سألني مالك في اي انا اول مرة اشوفك بالشكل ده !!! 
مكنتش عارفة ارد ولا اتكلم الكلام في دماغي لكن كل ما احاول انطق لساني يتشل .
في الاخر كدبت و قولتله ان في حرامية حاولوا يخطفوني النهاردة بالعربية .
انزعج اوي وسألني وعملتي ايه قولتله الحمد لله ربنا ستر .
سألني اذا كنت عملت محضر في قسم الشرطة قولتله لأ لأني تعبانة من الصدمة .
قالي لازم نعمل محضر علشان المجرمين دول يتمسكوا .
قولتله فعلا لازم كل مچرم يأخد جزاؤه .
وبعد فترة بكاء لأحلام اثناء التسجيل الصوتي لها كملت كلامها ....
تاني يوم روحت الشغل وكل اللي يشوفني يسألني مالك .
كان واضح عليا اوي ان عندي مشكلة كبيرة .
اي حد يسألني مالك كنت بقول اني تعبانة الا ماجد لما سألني طلبت منه اننا نقعد نتكلم بعد الشغل .
وفعلا بعد الشغل روحت انا وماجد وقعدنا في كافيتريا .
واول ما قالي مالك في ايه انهرت من العياط .
حاول يهديني لكن فضلت كتير اعيط كنت عايزة احكيله لأني كنت حاسه من كلام اثناء سفرنا انه انسان كويس فعلا .
لكن بردو لساني عجز انه ينطق ويحكي اللي حصل .
وبعد طول بكاء كان مصمم
قولتله حصلت مشكلة كبيرة بيني وبين جوزي وخلاص كده
لازم نتطلق بس بناتي هيعيشوا معايا .
قررت اني مش اعتمد علي حد غير نفسي لكن اول حاجة لازم ارجع فلوسي