ورقه طلاق

وحشه بتعمليها فيا وكنت بقول زي امي مينفعش اتكلم كنت اقول استحملي عشان حسام ف الآخر تعملي فيا كد
حماتي اه ياختي اصلا انا عايزه اشوف حفيد ليا وانتي عارفه كويس انك ارض بور وصراحه يعني حتي لو بتخلفي انا بكرهك ومش عارفه ابني بيحب اي فيكي يلا بقي لان مش عايزه افضل شايفكي قدامي كد كتيرر
ديمه بحزن تصدقي بالله انا عمري ما كرهتك رغم كل التصرفات اللي انتي عملتيها معايا بس مش هقول ليكي غير جمله واحده بس حسبي الله ونعمه الوكيل
خرجت من عند حماتي وانا حسه اني ضهري انكسر مش مصدقه ازي جوزي طلقني لا وف نفس اليوم اتجوز لدرجه دي مكنش طايقني لدرجه دي كنت وحشه عشان يعمل معايا كد هو دا حب ٦سنين فضلت افكر انا عملت اي عشان يعمل معايا كد شريط حياتي كلها بقي قدامي من اول يوم لينا ف الجامعه لحد انهارده فضلت افكر لحد ما طلعت بيتي وفضلت قاعده مستني حسام لازم اعرف اي اللي حصل خلي حسام يعمل كد بعد ساعتين كنت لمېت هدومي وكل حاجه ليا ف البيت وفقدت الامل أنه يجي قرارت اني اخرج وهرجع تاني عشان اعرف هو ليه عمل كد جيت افتح الباب لقيت حسام بيفتح ومع
صحبتي كانت اكبر صډمه ليا حسيت أننا ف روايه أو فيلم او
مقلب
مكنتش متخيله أن اللي بيحصل دا حقيقه 
ديمه وهي بتحاول تستوعب اللي بيحصل اية انتي بتعملي اي هنا انتي كنتي جايه ليا صح
اية بضحك وحقدلا ما خلاص بقي اجي ليكي تاني ليه ما انا اخدت الشخص اللي انا عايزه
ديمه بعدم تصديق دا بجد انتي كنتي عارفني عشان عايزه حسام ازي انا بجد مش فاهمه حاجه
اية وهي بتبص علي شنطه هدومي اه عرفتك عشان حسام وكويس جداا انك حضرتي شنطه هدومك اوعي تنسي اي حاجه ف البيت
ديمه وهي بتتجاهل اية حسام انت ساكت ليه رد عليها حسام انت فعلا طلقتني طب ازي وانت كنت لسه من ساعات بتقول بحبك انا مش فاهمه حاجه