الجزء الاول..في شقة اسكندريه الجديده.. حصريا على موقع ايام وصفحة روايات من عالم آخر بقلم محمد ابراهيم

.. أنا مش مسامحاكي .. أنا بكرهك .. الحقني يا حبيب .. أنتي شيطانة .. حرام عليكي انا قد أمك .. يااا حبيب انت فين رد عليا شوف مراتك بتقولي يا مشلۏلة .
بصلي عامر وقالي 
_ شششش يلا ندخل ملناش دعوة بحد .. لما طلعت فوق السطح النهاردة لقيت أوضة في أخر السطح .. أكيد في سكان .. مش عايزين مشاكل .
دخلت الشقة وانا قلبي مقبوض فتح عامر النور وكانت المفاجأة الشقة نضيفة جدا ومترتبة بالظبط كأننا دخلنا شقة تانية غير اللي شوفناها من كام ساعة .
كل الأوض مترتبة ونضيفة حتى الحمام والمطبخ والصالة إلا أوضة واحدة بس الأوضة اللي دخلتها أنا ووقفت قدام مراية التسريحة الأوضة كانت مفتوحة وكنت بقرب انا منها وكل ما اقرب كل ما الريحة اللي جوة تقرب مني 
_ غريبة يا عامر .. أشمعنى الاوضة دي اللي منضفهاش .. ده اظاهر اصلا انه مقربش منها .
قولت كدا لعامر اللي لقيته قالي 
_ يمكن تعبوا وبكرة يكملوا.. كتر خيرهم .. ده مافيش أحسن من كدا.
دخلت الأوضة وفتحت النور لان كان في شنطة جوة وكنت عايزه اجيبها الشيء اللي لفت نظري ان الاوضة فعلا محدش قرب منها بس كنت غلطانة لاني لما بصيت على المرايا لقيتها كلها متربة !! .
طب ازاي ده حصل وانا بإيدي نضفت جزئها العلوي بالمنديل المنديل اللي لقيته واقع مكان ما انا سيباه !! .
لفت نظري على جانب المرايا وجود خط طويل مموج خط مش مستقيم كان فيه تعاريج وفي أخره مافيش أثر تاني كان شيء طبيعي أتتبع الخط الغريب ده لحد بعد المرايا وفضلت باصة على الحيطة وصعقټ لما لقيت تعبان صغير لافف نفسه حوالين حتة حديدة نازلة من السقف!! .
لما شوفته نديت على عامر بسرعة 
_ الحق يا عامر .. تعبان .
لما جيه وبص عليه لقيته بيقولي وهو باصص عليه 
_ ده صغير يا حبيبتي مټخافيش .. وعلفكرا هو أصلا مېت .
يا نهار إسود ومهبب .. طب وده .. ده برضو مېت .
قولتله كدا لما بصيت على الارض عند الدولاب ولقيت تعبان أصغر من اللي متعلق بيتحرك حركات بطيئة وبيقرب لتحت الدولاب قبل ما ينزل راح له عامر وبالجزمة اللي لابسها راح دايس عليه .
مسكني من ايدي وخرج بيا لبرة وجاب الشنطة في ايده التانية قعدت على الكرسي وقلبي عمال يدق بصيت تاني على الاوضة واكتشفت حاجة خلتني اقول لعامر اللي دخل الاوضة ومعاه منديل علشان يشيل التعابين دي 
_ عامر .. اتصدق ان الاوضة دي ملهاش باب .. تعالى حتى وبص بنفسك .
بالفعل مكان الباب مخلوع شال التعابين ورماهم فوق السطح ونزل تاني كان يوم شاق وكان طبيعي اننا نروح في النوم وانا نايمة حسيت بحاجة ماشية على ايدي وعلى رجلي وعلى وشي وشعري فتحت عيني لقيت واحد واقف عند اول الاوضة اللي من غير باب وكان لابس بالطو طويل شخص طبيعي كل اللي عمله انه وكان باصص عليا وبيضحك ضحكة خبيثة .
مجرد راجل واقف بثبات وخلاص ده اللي شوفته لما فتحت مخوفتش زي ما خۏفت لما لقيت اكتر من ٢٠ تعبان حرفيا على جسمي كله بيتحركوا حركات هستيريا !! .
تعابين صغيرة وسودة صړخت وصحيت من النوم وانا بنهج 
ايه .. في ايه .. بسم الله الرحمن الرحيم .. مالك يا منال.. شوفتي كابوس ولا ايه .. من اولها كدا .
عامر صحي مڤزوع من صړختي بصيتله