همسات من عوالم مجهولة

.. والله العظيم لقيتها بتتاوب وبتقوم من على السرير.. يا شيخ أنا مش بخرف .. ولما سألتها إنتي كنتي فين قالتلي كنت نايمه !.
والله دا إللي حصل ومش عارفه هل ممكن تكون فعلا زاي ماهي بتقول إنهم يعني بياخدوها تحت الأرض وكدا .. اللهم أحفظنا . 
طمنتها وسيبتهم ومشيت .. أخوها كلمني بعد كام ساعة وطبعا إختار أخته .. وقرر يردم الحفرة .
ببساطة العشيرة دي حارثة للمقپرة إللي تحت الأرض .. وعقدهم في الحراسة أنتهى وبقوا حريين .
ماهم زي ما قولتلكم في بداية الكلام إنهم
زيينا زيهم .. وكل حاجة عندهم وبعقد .. بمجرد ماينتهي هما أحرار .
زعيم العشيرة بعد ما كان غرضه من أذية ولبس هدير إنه يبعد أي حد يقرب من المقپرة .. لإن دا شغله في الأول وفي الأخر .
بس الموضوع إطور وإتحول لجني عاشق لهدير .. وبعد ما عقده أنتهى مش عايز يمشي ويسيبها .. وكل يوم بيأمر خدامه ينزلوها عنده ويحاول يأثر عليها علشان توافق تتجوزه .
طبعا أنا عرفت كل المعلومات دي لما جالي تليفون من صلاح بيقولي فيه پذعر 
_ إلحق يا شيخ .. هدير إختفت خالص وبقالها 11 ساعة مش موجودة .. ولما دورنا عليها .. لقينا تراب كتير أوي متكوم في الصالة إللي كنا فاحتين فيها .. إلحقنا يا شيخ بالله عليك . 
رديت عليه بهدوء بعد ثواني وقولتله 
_ أخرجوا برة البيت 5 دقايق بس .. وإدخل هاتلاقوها نايمه على سريرها بإذن الله تعالى . 
طبعا إستغرب لكن ماكنش قدامه حل .. وفعلا بعد دقايق دخلوا ولقوها نايمه على سريرها بس هدومها وجسمها متربين .
ولما سألوها قالتلهم 
_ أنا كنت واقفه في المطبخ بعد ما نفذت إللي الشيخ قالهولي .. فجأة حسيت بخمول ف جسمي .. كنت محتاجه أنام .. دخلت أوضتي ونمت .. بمجرد ما غمضت عيني ظهرولي .. وخدوني لتحت الأرض .. بس المرادي لقيتهم بيفتحولي باب .. باب مقپرة كبير .. لما دخلت جوة المقپرة إتصدمت وماكنتش قادره أغمض عيني .. المقپرة مليانه دهب .. دهب وتماثيل كتيرة جدا جدا .. بس بمجرد ما دخلت قفلوا عليا الباب !! .
لما صلاح قالي كل حاجة بينت إني متفاجيء .. لكن ف الحقيقة كنت عارف كل حاجة .
لما قولت لصلاح يخرج برة البيت هو وإللي معاه 5 دقايق .. الدقايق دي حصلت فيهم محاكمة كبيرة تحت الارض.
أنا بعت من ينوب عني انا اسف طبعااا مش هقدر اقول تفاصيل كتير لأسباب خطېرة ومش من المستحب انكم تعرفوها بس اللي حصل ان المحكمة حكمت لصالحي بعد إثبات الدلائل وحكمت
إبعاد العشيرة بأكملها بعيد عن أهل البيت .. وعلشان كدا خدوها وحبسوها تحت الأرض .
والحمدلله هدير بقت كويسة
.. وبعد شهور كنت معزوم على كتب كتابها بعد ما اللي عليها راحوا ومش هيرجعوا ف جسمها تاني. 
لك الحق إنك تصدق أو تكذب .. بس قسما بالله أنا مش بكدب عليكم بأي حرف حكيت عليه .. وقبل ما أنهي كلامي .. حابب أعرفكم إني مش دجال .. أنا مجرد معالج روحاني حكيت ليكم حكاية حصلت معايا من سنين .. لإني دلوقتي مابقتش بعالج لأسباب كتير شخصية .
تمت.