فتاة انحنت من اجل الحب الجزء التاسع بقلمى دودو محمد

الفصل السادس والثلاثون

فى شقة توفيق

كان سامح نايم على سريره وماسك تليفونه وعمال يتصل على روز بس محدش رد جرب كذا مره ومحدش رد قلق عليها وفى الوقت ده احمد اتصل على سامح

سامح ازيك يا أحمد 

أحمد الحمدالله يا سامح انت اخبارك ايه وزهره عامله ايه 

سامح الحمدالله كويسين

أحمد مشوفتش جهاد وروز النهارده

سامح لاء ليه 

أحمد اصل جهاد اتصلت بيا النهارده سألتنى عنك علشان انت مروحتش المدرسه وقولتلها انك فى المستشفى وقفلت معاها ومن ساعتها برن على تليفونها ومش بترد ومجاتش لحد دلوقتى 

سامح يمكن راحت مشوار كده ولا كده

أحمد طيب اتصل على روز شوف كده يمكن فى مشوار فعلا وتليفون جهاد صامت ولا حاجه 

سامح بقلق انا برضه بتصل على تليفون روز ومش بترد عليا 

أحمد ليه القلق ده طيب والعمل ايه

سامح صح هتصل على الفيلا عندهم وأسأل ابو روز

أحمد ماشى وطمنى وقفل معاه

سامح طلب رقم الفيلا بتاعة روز وشويه والخدم ردوا على التليفون 

سامح ممكن اكلم روز 

الشغاله ست روز مش موجوده 

سامح بقلق طيب اكلم اى حد 

الشغاله حاضر ثوانى وسابت التليفون شويه وجه سليم مسك التليفون وقال 

سليم الو ايوه يا ابنى 

سامح هى روز فين 

سليم مش عارف وعاملين نتصل بيها مش بترد علينا وامها مڼهاره من الخۏف عليها 

سامح بقلق وأحمد اخو جهاد بيقول برضه أن اخته مظهرتش لحد دلوقتى وقلقان عليها وبيحسبها عندكم 

سليم انا لسه كنت هقولك أسأل اهل جهاد لتكون روز راحت عندهم 

سامح بقلق هتكون راحت فين

سليم لاء الوضع يقلق ا ا انا هبلغ الشرطه

سامح للاسف الشرطه مينفعش لازم يمر اربعه وعشرين ساعه على الاختفاء

سليم بعصبيه ده ايه التخلف ده ازاى نقعد على اعصابنا اربعه وعشرين ساعه والبنت مختفيه 

سامح بص انا جاى ليك حالا 

سليم تمام مستنيك 

سامح قفل السكه مع سليم واتصل على أحمد واداه عنوان الفيلا وقال ليه يروح هناك وقفل مع أحمد ولبس هدومه ونزل يجرى

فى شاليه مهجور

كانت روز وجهاد قاعدين خايفين فى اوضه ضلمه وفجأه الباب اتفتح عليهم 

روز پصدمه انتى 

عبير منورين لالالا اقصد مضلمين المكان

جهاد انا قولت برضه أن الحركات الزباله دى متطلعش الا منك 

عبير اووووه عشيقت اخويه ايه رأيك فى المفاجئه دى

روز انتى واحده مجنونه بجد انتى خطفانه ليه

عبير خطڤاكم علشان نلعب لعبه صغننه خالص ونزلت عندها وقالت انا هتجوز سامح وانتى هتروحى فى الباى باى 

جهاد انتى بتحلمى يا عبير سامح بيحب روز ومستحيل هيسكت ليكى وانا متأكده أن هيعمل بأى طريقه وهيوصلنا وينقذنا من جنانك ده

عبير اه هو انا مقولتش ليكى ان انا هخيره ما بين سلامة رورو ومابين أن هو يتجوزنى وبصت لروز وقالت لو بيحبك بجد هيتجوزنى ولو بيكرهك هيرفض وفى تلك الحالتين انتى مېته مېته 

جهاد ايه الغل والغيره اللى جواكى دى طول عمرك شخصيه انانيه ومش بتحبى الا نفسك وكل ما بتكبرى بيزيد الغل والحقد جواكى فوقى يا بنتى قبل فوات الاوان 

عبير تصدقى كلامك اثر فيا لاء محاضرة الأخلاق دى تقوليها فى مكان تانى مش هنا يووه نسيت ان ده اخر مكان ليكم فى الدنيا فى الاخره بقى يا جوجو 

روز ما لو انتى كان عندك اهل مكنتيش قدرتى تعملى كده 

عبير مسكت شعرها بغيظ وقالت عندى اللى احسن من الاهل عندى فلوس كتير أخرج واتفسح براحتى لا حد يقولى رايحه فين ولا جايه منين فيه احسن من كده حياه 

روز سيبى شعرى يا حيوانه انتى

عبير كيوت اوى حيوانه انتى 

وبعدين وقفت وقالت سومه يا سومه انت روحت فين

اسلام دخل وحط أيده على كتف أخته وضحك وقال ازيكم يا مزز عاملين ايه 

جهاد بصت ليه بقهره وحبست دموعها فى عينيها

عبير اموت و اعرف ازاى شيفهم مزز دول چثث يا ابنى وبالذات البت المصديه ديه وشاورت على جهاد 

اسلام قرب من جهاد ومشى أيده على وشها وقال زهقت من الحلوين قولت اغير شويه

جهاد بعدت وشها عن ايد اسلام وبصت الاتجاه التانى

أسلام مسكها من عند بؤقها ولف وشها تانى ليه وقرب منها ونفسه بيجى على وشها وقال انتى هتعملى بنى أدمه عليا ده انتى حتة بنت متسواش مليم وسط البنات انا بس اللى قولت ارفع من روحك المعنويه شويه واعمل ليكى قيمه وقرب منها ولسه هيبوسها دمعه من عين جهاد نزلت على ايده

جهادسحبت وشها من أيده وبصت ليه فى عينيه وهى عينيها كلها دموع ورجعت بصت لاتجاه تانى 

اسلام بصلها شويه ووقف وخرج من الاوضه من غير ولا كلمه

عبير بصت على اخوها وهو خارج بأستغراب ورجعت بصت ليهم وقالت أجهزى يا حلوه منك ليها هتروحو مشوار لحد الاخره بس للاسف مش هترجعو تانى وخرجت وقفلت الباب وراها 

روز جهاد 

جهاد بدموع ايوه يا روز 

روز انتى ازاى بتحبى البنى أدم ده رغم بشاعته

جهاد بضحكة ۏجع انا نفسى مش عارفه قلبى بيحبه ازاى وبعد اللى بيعملوا ده كله مش قادره اكرهه

روز لدرجاتى بتحبيه

جهاد بدموع ارجوكى بلاش نتكلم فى الموضوع ده

روز طيب احنا هنعمل ايه 

جهاد الناس دول اغبيه 

روز ازاى مش فاهمه 

جهاد خطفنا من غير ما ياخدو مننا التليفون

روز اه صح احنا معانا التليفونات بس هنعمل بيها ايه 

جهاد هنتصل بأى حد ينقذنا 

روز وهنتصل بيهم وهنقولو ليهم العنوان ازاى واحنا منعرفش مخطوفين فين 

جهاد من ال GPS جهاز التتبع بتاع التليفونات بتاعتنا 

روز اوك طيب هنتصل ازاى واحنا متكتفين

جهاد زحفت وهى قاعده وقالت انتى حطه تليفونك فين

روز فى الجيب ده 

جهاد راحت عنده وقالت ده 

روز ايوه 

جهاد قربت اوى وحاولت تمد ايديها بس ملاقتش حاجه قالت مافيش حاجه 

روز NO انا حطيته هنا طيب تعالى بصى كده فى التانى 

جهاد زحفت ملاقتش حاجه برضه وقالت ولا هنا

روز شكله وقع منى 

جهاد بغيظ حبكت يقع النهارده

روز طيب انتى معاكى تليفون 

جهاد ايوه بس هتعرفى تطلعيه 

روز هحاول قربى 

جهاد قربت منها وقالت مدى ايدك زى ما كنت بعمل عندك 

روز OK ومدت ايديها وقالت مش عارفه أطلعه قربى شويه 

جهاد قربت وقالت اخلصى الله يحر. قك

روز اهو مسكته وطلعته من جيبها بس وقع من ايديها

جهاد يخربيت سنينك ياروز الكلب وحاولت تمسك التليفون وبصعوبه وبعد معاناه قدرت تمسكه وقالت روز ركزى ابوس ايدك انا همسك التليفون وانتى حاولى تضربى رقم سامح أو ابوكى بس بسرعه 

روز ح ح حاضر واتصلت على رقم سامح

سامح الو مين معايا 

روز بصوت عالى سامح بليز الحقنا عبير خطفانه

وفى الوقت ده عبير دخلت عليه

عبير شدت التليفون وقالت يا ولاد انتو بتعملو ايه وقربت التليفون من ودنها سمعت صوت سامح وهو بيقول 

سامح الو الو روز رودى عليا الو