فتاة انحنت من اجل الحب الجزء الثامن بقلمى دودو محمد
نزلت منها
أحمد شششش أهدى يا ساره ومسح دمعتها وقال ما انتى خلاص عرفتى الحقيقه انسى بقى يا صرصور خلاص يا ستى مش زعلان
ساره بجد مش زعلان منى
أحمد حط أيده على خدها وقال وحياة غلاوة عيونك دول مش زعلان
ساره اتوترت وقالت بكسوف م م ماشى هدخل اشوف جهاد بقى
أحمد لو شوفت ايد راجل اتمدت عليكى تانى هكسرها ليه فاهمه
ساره هزت راسها بمعنى ايوه
أحمد قرب من خدها وبسها برقه وقال بحبك يا مطيع
ساره اتكسفت وقالت احمد
أحمد قلب أحمد عيون احمد من جوه
وفى الوقت ده فتحت جهاد الباب واتفاجئت بمنظر احمد وساره وقالت
جهاد انتو بتعملو ايه هنا
ساره زقت احمد وقالت ج ج جهاد ا ا انا كنت جايه أسأل عليكى
جهاد بأستغراب عليا انا برضه
ساره ها
جهاد عمومآ تعالى ادخلى
ساره بصت لأحمد بكسوف ودخلت تجرى على اوضت جهاد
أحمد بغيظ ده وقت تخرجى فيه بنى أدمه فصيله
جهاد والله انتو كان ناقص ليكم شجره واتنين ليمون على منظركم ده
أحمد رخمه
جهاد بصت ليه وقفلت الباب فى وشه
أحمد بغيظ ماشى يا جهاد الكلب انتى لما البت تمشى ورجع على اوضه
فى شقة توفيق
فى اوضت ريم
صحيت من نومها وهى سعيده وبصت على الدبله اللى فى ايديها وضحكة وقالت
ريم يااااااه اخيرآ حلم عمرى اتحقق وبقيت مرات محمود انا فرحانه اوى وفى الوقت ده تليفونها رن برقم محمود ردت عليه بحب وقالت صباح الخير
محمود احلى صباح على مراتى حبيبت قلبى واحشتينى اوى
ريم سكتت ومردتش عليه
محمود امممم طبعآ هتعملى نفسك من بنها ومش هتردى عليا عمومآ جهزتى ولا لسه
ريم لسه مقومتش من على السرير
محمود نعم يا اختى كل ده لسه نايمه
ريم امممم
محمود تصدقى هتصدقى إن شاءالله انا لو عندك كنت شيلتك ودخلتك الحمام وفتحت عليكى ام الدش بمايه سقعه علشان غيظانى اوى
ريم مش هتقدر
محمود ليه بقى إن شاءالله
ريم علشان على ما توصل عندى هكون قومت وجهزت ومستنياك فى الشارع
محمود يعنى بتتحدينى صح
ريم ايوه
واتفاجئت بمحمود بيفتح الباب قالت انت جيت هنا امته
محمود بكلمك من بره ورينى هتتحدينى ازاى بقى يا قطه ودخل وقفل الباب وراه
ريم م م محمود متستعبطش اطلع بره
محمود وهو بيقرب ليها ايه رجعتى فى كلامك تانى
ريم قامت تجرى من على السرير وقالت متجيش جنبى يا محمود وازاى ماما سمحت ليك تدخل اوضى
محمود وهو بيقرب ليها وهترفض ليه انا جوزك
ريم وهى بترجع لواره محمود خليك عندك متقربش اكتر من كده احسن اصوت واخلى اخواتى يجو يقطعوك
محمود وهو بيقرب ليها محدش ليه عندى حاجه انتى مراتى قدام الكل وممكن اخدك معايه الفيلا ومحدش يقدر يقول حاجه
ريم وهى بترجع لواره يادى ام الشبكه السوده دى يا ابن الناس اطلع بره مينفعش كده وفى الوقت ده اتخبط ضهرها فى الحيطه ومبقاش فيه مكان تانى ترجع فيه
محمود قرب منها وسند دراعه على الحيطه وريم فى النص وقال وقعتى يا قطه ولا الهوا اللى رماكى
ريم بتوتر ارجوك يا محمود ابعد
محمود وهو بياخد نفسه بصعوبه ليه يا ريم انتى مراتى
ريم بعدت عنه ولبست الاسدال عليها وقالت ع ع عارفه يا محمود بس انا مش مستعده لكده بليز بلاش تضغط عليا اكتر من كده
محمود راح عندها وبسها فى راسها وقال اللى انتى عايزاه يا قلبى انا اهم حاجه عندى راحتك وقال انا هستناكى بره لحد ما تجهزى نفسك وفتح الباب وخرج
ريم قعدت على السرير واتنهدت وهوت بأيديها على وشها وحطت ايديها على قلبها وقالت يا لهوووووى على الكسوف اللى الواحد فيه قلبى هيوقف عليا اه منك يا محمود تعبتنى معاك وقامت لبست هدومها وخرجت دخلت الحمام واتوضت وأدت فرضها ونزلت مع محمود ركبت العربيه وراح وصلها الجامعه ورجع على الفيلا بتاعتهم
فى فيلا أحمد
فى اوضت جهاد
دخلت ساره وقعدت على السرير وقالت بكسوف
ساره جهاد متفهميش غلط ا ا انا وأحمد كنا بنتكلم عادى
جهاد عارفه يا ساره وأحمد كتير شكر فى اخلاقك واللى بالاخلاق دى مستحيل يعمل حاجه تغضب ربنا
ساره شكرآ يا جهاد على كلامك ده وعلى تفهمك
جهاد العفو على ايه بس انتى فعلا محترمه وبشهادة الشهود
ساره طيب بقى ممكن نكون اصحاب
جهاد اكيد طبعآ ده شرف ليا
ساره حبيبت قلبى يا جوجو ممكن اعرف مالك وليه حابسه نفسك فى الاوضه ورافضه تكلمى حد وتروحى المدرسه
جهاد حبست دموعها وقالت مافيش بس مش حابه اتكلم مع حد اليومين دول
ساره اكيد فيه سبب لده
جهاد ساره ارجوكى بلاش نتكلم فى الموضوع ده
ساره يا جوجو يا حبيبتى لازم تتكلمى مينفعش تكتمى فى نفسك كده صدقينى لازم تشاركى حد الۏجع وعلشان تلاقى حد ينصحك لصح ويخفف عنك الالم اللى بتحسى بيه
جهاد ساره انا متعودتش احكى لحد على اللى وجعنى علشان مشغلش حد بهمى انا اتعود على كده وصعب اتغير
ساره غلطانه يا جهاد المشاركه فى الۏجع بيخفف عنك كتير
جهاد بدموع مقدرش اتكلم وانا عارفه أن صعب اشارك حد فى اللى واجعنى فى الموضوع ده بالذات لان عارفه كله هيغلطنى وعارفه أن عندهم حق بس صدقينى مش بأيديه حاجه
ساره جربينى وشوفى هقدر اساعدك ولا لاء
جهاد وقفت وقالت بدموع هقولك ايه هقولك أن انا بحب واحد بتاع بنات ومن طرف واحد بس وبشوف كل قرفه ده ورغم كده بحبه ومش قادر اكرهه هقولك أن حبيته رغم أن هو اذى اللى منى هقولك أن هو شافنى قدامه سلعه رخيصه شبه اللى بيمشى معاهم اقولك أن انا قلبى بيتقطع لما شوفته پيتألم وكله ډم عارفه كل اللى بقولو ده مش معقول ولا منطقى بس بجد هو ده اللى حاصل معايا يا ساره رغم كل عيوبه بحبه ومش قادره اكرهه
ساره انا ليه حاسه ان الكلام ده على اسلام
جهاد بدموع هزت راسها بمعنى ايوه وقالت هو يا ساره شوفتى جنان اكتر من كده
ساره انا مصدقاكى يا جهاد وحاسه
بكل كلمه بتقوليها وعارفه قد ايه انتى موجوعه وصعب عليكى اوى اللى بيحصل ده وانك تشوفى حبيبك مع حد تانى وان هو مش شايفك قدامه
جهاد قعدت على السرير وحطت ايديها على وشها وقالت بدموع
