رواية "في الخامسه وربع صباحآً"
دخلت انا وسلمى وفضلت اشرحلها هو قالي اي وشويه وصحاب سلمى وصلو سيبتهم انا يشوفه شغلهم وروحت ل يوسف المستشفى واتفجأت لما دخلت الاوضه بتاعته ولقيت معاه ياسين كان صاحبنا من ايام الجامعه اول ما شافني قام من مكانو وقال:
_اي ده اي ده روز ملكة جمال جامعة عين شمس
_اهلآ استاذ خفه عاش مين شافك
_احلويتي يا يبت يا روز
_بت في عينك
_لسه لمضه
يوسف بص ل ياسين وقال:
_شكلك وحشتك الشتيمه صح؟
_خلاص هو كلكم عليا
قالها وسابنا وخرج وفضلت انا مع يوسف اكلته واتكلمنا شويه قالي ان رقمو الجديد كان ياسين هو الي جايبهولو عشان كدا عرف يوصلو وشويه ونام خرجت انا وسيبتو وكان ياسين بره شافني وجيه ل عندي وقال:
_اي اخبارك يا روز اي الدنيا معاكي؟
_اهو ماشي الحال انت اي دنيتك واتخطبت انت والبت رهف ولا لسه
_متقلبيش علينا المواجع بقا احنا سايبين بعض من رابعه جامعه
_اصلآ
_اه شوفتي
_يا عالم نصيبك فين متزعلش نفسك
_المهم انتي ويوسف انا مبسوط اوي انك مش سايبه يوسف يا روز
_ده واجبي و
كنت لسه هكمل بس لقيت مسدج من سلمى انها محتاجني ضروري بصيت ل يا سين وقولت:
_انا لازم امشي دلوقتي لما يوسف يصحى قولو ان ماما كانت محتاجني وكان لازم امشي وخلي بالك منو يا ياسين
_طيب تحبي اوصلك؟
_لاء لاء متشكره
قولتها وسيبتو ونزلت خدت تاكسي واتجهت ل مكان المحل وبعد شويه كنت وصلت
كانت سلمى وصحابها خلصو المحل حالته مكانتش صعبه اوي فا خلص بسرعه بصيت ليهم وقولت:
_تمام اوي كدا بس في الحيطه دي هتعملو اسم يوسف بس بطريقه مزخرفه وب الانجلش
صحاب سلمى بداو يعملو اللي قولت عليه وخدت سلمى وصاحبتها اللي معاها عربيه ورحنا عند بيت يوسف نزلنا كل اللوح اكتر من ٢٠٠ لوحه خدناهم في العربيه وروحنا المحل سبناهم هناك ورجعت انا ل يوسف
فضلت معاه وكان عجبني روايه ونا راجعه فا اشتريتها وفضلت اقراها وهو يستمع ليا كأني بحكيلو حدوته وقريت كتير عن حالة يوسف واتضح إن ممكن يكون في واحد في الميه تحسن ب العلاج الطبيعي ودي حاجه كانت مخلياني طايره من الفرحه
عدا اسبوع ونا شويه عند يوسف وشويه في المحل برتب الوحات وشويه في السوق بشتري خامات للمحل وديكورات هو كان قايل عليها وقريت كذا كتاب عن العلاج الطبيعي وفي كل مره بكون عنده المستشفى بخليه يسند عليا وبمشيه عشان ده ممكن يجيب مفعول كويس معاه
وفي يومي الاخير في المحل كان خلاص خلص مش ناقص غير ان يوسف يشوفو كنت ٨ الصبح لسه بدري
