رواية ندم العشق جميع الاجزاء كاملة بقلم آلاء محمد 

ندم العشق
كانت واقفه ف اوضتها بتروح وتيجي پغضب بتتنفس بصعوبه وعڼف هتجنن انه رجع يعيش معاها تاني ف البيت بعد اتطلقوا 
شوق انا انا يعمل فيا كده ويضحك عليا لحد ما يعمل اللي هو عاوزه ماشي يا احمد أما وريتك مبقاش انا شوق 
خرجت من أوضتها ومسكت الفازة اللي علي ترابيزة السفره وحدفتها عليه 
شوق وانت لسه شوفت جنان انا ياض تنيمني نني وتقولي انك هتسافر وتسبلي الشقه وارجع من الشغل الاقيك لسه فيها 
احمد اعملك اي يعني السفر اتأجل شهرين ف اضطريت ارجع ٠
شوق ورجعتش علي بيت امك ليه يا حيلتها 
احمد ما انتي عارفه ان اخويا ومراته قاعدين فيه اروح ابوظلهم حياتهم وبعدين انا ليا ف الشقه دي زيك بالظبط انتي ليكي النص وانا ليا النص 

شوق خلاص بيع ليا النص بتاعك وهاتلك بيه شقه تانيه شوف عايز كام وخدهم علي الجزمه إنما تعيش هنا انسي 
احمد اجيب شقه تانيه عشان اقعد فيها شهرين بس واقفلها بعد كده خمس سنين 
شوق اتعصبت ما انت اللي عملي فيها مهم ورايح توافق علي عقد خمس سنين خمس سنين يا مفتري ايه معندكش انتماء معندكش ډم تبعد عن بلدك خمس سنين 
احمد بصلها و راح وقف قدامها واقعد ليه ! السبب الوحيد اللي كان ممكن استني عشانه مش موجود 
شوق اتلغبطت وقالت بتوتر ولو برضه اسمع انت تمشي من هنا احسنلك اقولك روح اقعد ف أوتيل الشهرين دول و انا هدفعلك الفلوس واعتبرهم ايجار النص بتاعك من الشقه 
احمد ضحك وراح قعد علي الكنبة وقال باستفزاز تؤ تؤ انا حابب اقعد هنا اقعد ف اوتيل ليه وانا عندي بيت 
شوق بصتله بغل ودخلت اوضتها قفلت الباب بقوة وقعدت علي السرير 
احمد ضحك وقال بصوت عالي شوق سمعته وانتي من اهله يا حبي 
شوق فضلت تفكر طول الليل ودموعها زي الشلال لحد ما نامت من التعب وصحيت تاني يوم علي صوت دوشه جامده جايه من المطبخ قامت دخلت المطبخ واتفاجئت ب احمد 
شوق انت بتعمل اي 
احمد بضيق بحاول اعمل فطار عندي شغل طول اليوم ومظنش هعرف اكل 
شوق ابتسمت بسخريه لان احمد فاشل جدا ف اي حاجة ليها علاقه بالمطبخ ههه وانت اصلا بتعرف تعمل كوبايه شاي 
احمد شوق اصطبحي وقولي يا صبح وامشي من هما يلا بت باردة 
شوق قالت باستفزاز شوف وانا اللي كنت ناوية اعطف عليك واعملك الفطار بس بطريقتك والله مت هعملك حاجة 
احمد وانا مش عايز منك حاجة اصلا يلا امشي بقي 
شوق قعدت وقالت بدلع لا مش هخرج انا حابه اتفرج عليك وانت محتاس كده ومش عارف تعمل حاجة 
احمد شوق بقولك اخرجي احسنلك 
شوق ضحكت طيب طيب سيب سيب انا هعمله خش انت البس 
احمد لا شكرا انا هعمله مش عايز منك حاجه 
شوق ضحكت احمد احنا الاتنين عارفين انك عمرك ما عرفت تعمل فطار روح اللبس 
أحمد خرج من المطبخ وشوق ابتسمت و كملت الفطار شوية وخرجت بيه وحطته علي السفره وجت تمشي 
احمداقعدي افطري معايا 
شوق بارتباك لا شكرا مش عايزة 
احمد شدها وقعدها اقعدي بقولك انا عارف انك بتحبي الاكل ده لو سمحتي 
شوق قعدت فعلا واكلوا وهما ساكتين شوية