الجن

اللي متعوده اشوفه بيه هو نفس الصوت اه لكن شكله كان مرعب .
كان شبة القرد بالشعر الكثيف اللي على جسمه ونفس تقويصة الضهر ومخالبه طويلة وعيونه حمرا ووشه كبير زي جسمه وايده ورجله.
لما شوفته صړخت ووقعت من طولي عايزه اقولك ان حياتي من اليوم ده اتقلبت ومش انا وبس محروس جوزي كمان .
لما سمع صوت صړختي كسر باب الحمام وشالني وحطني على السرير فضل يفوق فيا ومن يوميها ولمدة ٧ شهور بالتمام والكمال مقربش مني كنت بشوفه قرد كنت بشوفه بنفس هيئته اللي ظهرلي في المرايا .

لما الموضوع طول وامي عرفت ودتني لشيخ في القرية عندنا اداني حجاب وقالي متقلعيهوش من رقابتك وكل يوم استحمى بماية مقري عليها كلام هو ادهوني وقالي اقوله في الماية .. كلام زي طلاسم ! .
عملت كل ده ومحصلش حاجة بل الوضع ازداد سوء ده لان محروس كل ماكان يدخل الحمام كان بيشوف انعكاسه في المرايا وش محروق وكان بيقولي انه بيسمع صوت بينادي عليه كل يوم بالليل وبيحذره انه يقرب مني .
حياتنا اتقلبت چحيم حرفيا بس في الوقت ده ظهر معدن محروس الحقيقي كنت مفكراه علشان اكبر مني انه هيضربني في الرايحة والجاية وهبقى معاه مش مبسوطه بس ده محصلش لانه كان بيعاملني بما يرضي الله وكان بيحبني .
مع الايام بدأ يجيلي تشنجات وبيغمى عليا كتير من غير سبب محروس لف بيا على دكاترة كتير وكلهم اجمعوا اني سليمه ومافيش حاجة فيا لحد ما لقيت محروس بيقولي 
_ انا لقيت شيخ كويس بس هنسافره .. مش هنستنا كتير .. بكرة بإذن الله هنتحرك .
وفعلا روحناله لما شوفته محستش بنفسي وفضلت أصرخ وأتنطط كنت حاسه بنفسي بس مش عارفه اتمالك اعصابي او اهدى !! .
قرأ عليا قران وفضل يبص في عيني وانا في الوقت ده استرجعت كل ليلة شوفت فيها الشاب كنت صغيره وطبيعي مكنتش اعرف ان هو واهله مش بني ادمين وانهم جن .
حكيت كل حاجة للشيخ علشان كدا قال لمحروس
_ الموضوع واضح .. زوجتك كان عليها جن عاشق وعرض عليها الجواز وهي وافقت بحكم سنها وبحكم انها قالت لنفسها ده مجرد حلم .. ولما وافقت هو نزلها تحت الارض عند عشيرته وهناك رفضوا الجواز وأما هو أصر حبسوه علشان عارض كلامهم وهو دلوقتي لسه محپوس بس قادر يسبب ليكم عكوسات .. ظهرلها لانها متعوده ټعيط في الحمام وتبص في المرايات كتير ودول سببين كفيلين انهم يضروا ويأذوا أي بنت في السن ده وده اللي حصل .
فعلا من صغري وانا كل ما حد يزعلني أدخل الحمام وافضل اعيط وكنت ببص على نفسي في المرايا كتير لما بدأت أحس بتغيير بيحصل في جسمي .
بس بفضل
الله مبقتش أشوفه ولا بقى يحصلنا اي حاجة وده بفضل الله ثم الشييخ جمعة اللي قلنا نشيل كل المرايات اللي في البيت واني اشغل قران وبالتحديد سورة البقرة في الشقة وأواظب انا ومحروس على الصلاة والأذكار والوضوء قبل النوم .
وبعد ماعملنا كدا حياتنا مشيت طبيعية وبعد سنة ربنا كرمنا بأبني الأول وليد ودلوقتي عندي وليد وبسمة ووعد.
تمت .
التجربة حقيقية من فترة لما كنت شغال معد في قناة المحكمة على اليوتيوب كنت مركز في التجارب الحقيقية ودي كانت واحدة منهم وطبعا العهده على الراوي.