كان ممرضا لقلبي
اعلمها القراءه والكتابه
_يبنتي صدقيني اول كلمه بناخدها بحبك
ودا في منهج مين دا
_منهج امي
كنا بنهزر ونضحك كتير وفهمت مامتها أنها خلاص معتش فيه لزوم تقلق عليها وأنها وثقت فيها
اتصاحبنا اويي بقت اعز صحابي وحكتلها كل حاجه عني عن مواقفي في المستشفي عن ايام الكليه عن اول مره احب واتاخدت علقھ محترمه من وانا صغير ف بطلت احب وانتبت ل مستقبلي عن اني كان نفسي ادخل طب بس الخيره فيما اختاره الله واني حبيت مجالي جدا عشان بقدر اساعد الناس حكتلها كل حاجه مكنش يخطر علي بالي في يوم اشاركها مع حد !!
متخلص يبني الاكل والله هزعلك وبموله السرير في دماغك
كان فعلا احن زوجه في الدنيا !!
_مريم مريم !
ها راجع متأخر لي خونتني ولا لسه
_ايدا في أي
جاوبني بصراحه حلوة
طلقنااااايييي طلقنااااايييي
_احيه ! بهزر والله
وانا كمان بهزر انت متتسجرش تخوني اصلا
_يولا يواثق طب غمضي عينك
هتقتلني ولا اي
_غمضي بدل معميكي غمضي
غمضت _فتحي
ايدا
_دبله عشان تلبسيها يا ريت بس زوقي يعجبك
جميل اوي يا احمد
_حضن بقي حضڼ خليكي عادله
حضنتني وهي بتضحك ربنا يخليك ليا
بعدت حاجه ايي
_كسبتي الرهان وهقولها الاول أنا بحبك جامد يمريم ووقعت لشوشتي ومحدش سمي عليا اه والله
عيطت بجد
_انتي بټعيطي لي انتي عبيطه
أنا اصلا اتحب زوقك حلو
_نعم يختي!
اعملك العشا
_ثواني ايدا يغاليه مش تقولي
لاء
_كان فيه طقم سكاكين جوا أنا فاكر اني جايبه
بحبك اوي والله يا احمد في أي
جئتك هاربا من العالم الطرقات الاحلام الخذلان جئتك هاربا مني ف كان الوصال ضمك
والان تابعو معنا رواية احببت مختلا كاملة بقلم مريم
_أنا مش هتجوز عبيط!
انتي عارفة أبوه سايبله ورث قد ايي ولا نصيبه كام في البنك
_انا ميهمنيش الحوارات ديي أنا بحب عبدالله!
عبدالله بيقبض كام سي عبدالله هيعيشك فين هيأكلك منين دا مش عارف يأكل نفسه بلا هم
خلاص ابقي خليه يدفع ايجار الشقه حب كلوا واشربوا حب دخلوا عيالكم مدارس الحب أنا عاوزة مصلحتك
_مصلحتي اني اتجوز واحد معرفوش واحد مختل
بس معاه فلوس تكفي الحارة كلها ابوكي وانا موافقين وأبوه جاي الليله دي عشان كتب الكتاب
_ك ايييي مستحيل اوافق
واحنا مستحيل يعين امك نفوت فرصه مش بتيجي غير مرة واحدة في العمر فوتك بعافيه يعروسه
باباه جه ومعاه المأذون كتبوا الكتاب من غير العريس وباباه كان وكيله شوفت ب عنيا الفلوس الي اخدتها ابويا فلوس البيعة!
ماما كانت محضرة شنطتي خدتها ونزلت مع باباه من غير حتي ما اسلم عليهم أنا عمري مهسامحهم.
كان فيه عربيه فخمة قدام البيت عمو فتحلي بابها ف ركبت
انتي مش متخيلة انتي بتعملي معايا معروف عامل ازاي
كانت ملامح وشه طيبة وترتاحي لما تبصيله ابتسمت ومتكلمتش وصلنا قدام فلة كانت كبيرة اوييي جميلة وتسر النظر
نزلنا من العربيه والسواق شال شنطتي وډخلها جوا
دخلت مع عمو وقعدنا في الريسبشن
تشربي اييي يبنتي
_مش عاوزة حاجه
أنا عارف إن كل حاجه جت بسرعة بس..
_مسألتوش علي رأيي كانت صفقة مش جوازة!
حقك عليا بس مكنش فيه غير الطريقه ديي
_انا مبحبش ابنك ولا عمري هحبه ترضي لو كان ليك بنت تعيش مع واحد مبتحبوش
أنا مش عاوزك تحبيه عاوزك تساعديه وتبقي سبب أنه يرجع طبيعي تاني
_تاني!!
احمد عمل حاډثة من سنه ونص مبقاش طبيعي كان عنده ارتجاج في المخ ف قولت اجيب واحدة بنت حلال تخلي بالها منه تساعده أنه ياخد الدوا الي رافض ياخده انتي بتقدمي خدمة إنسانية واوعدك هديكي الي انتي عوزاه
_انا اسفه مكنتش اعرف كل دا
ولا يهمك دا الطبيعي اوضتك فوق في الأوضة الي في الوش
ابتسمت وطلعت دخلت الاوضه لقيت لعب مرميه علي الارض واوضه عشوائية بطريقه! بدأت ارتبها وقعدت وانا بنهج من كتر التنضيف نمت وصحيت علي خبط في كتفي
صوتت _انت مين!
أنا احمد انتي مين دي اوضتي
_انت احمد اه ازيك
انتي مين حرامية عاوزة تسرقي ألعابي
_لا يحبيبي أنا كنت بس..
وحركتي كل حاجه من مكانها
_قصدك رتبت كل حاجه
